Home / News / Local / प्रदेश मन्त्री जम्मरकट्टेलद्धारा जिल्ला कारागार चितवनको आकस्मिक निरीक्षण

प्रदेश मन्त्री जम्मरकट्टेलद्धारा जिल्ला कारागार चितवनको आकस्मिक निरीक्षण

चितवन १० असोज– प्रदेश नम्वर ३ का आन्तरिक मामिला तथा कानुन मन्त्री शालिकराम जम्मरकट्टेलले जिल्ला कारागार चितवनको आकस्मिक निरीक्षण गरेका छन् । कारागार निरिक्षण संगै उनले कारागारमा भएका समस्या र कैदीबन्दीको विषयमा जानकारी लिएका छन् । कैदीबन्दीले कारागारमा भएका समस्याका विषमा मन्त्री जम्मरकट्टेललाई ध्यानाकर्षण पत्र बुझाएका छन् । उनिहरुले कैदीबन्दीको चाप ब्यवस्थापन,विरामी कैदिबन्दीको छुट्टै कक्ष निर्माण,ढल ब्यवस्थापन,डुवान समस्या लगाएतका समस्या रहेको बताएका छन् । प्रदेशका सबै कारागारको अवस्था दयनिय रहेकोले भौतिक सुधार गरेर मात्रै नहुने भन्दै नीतिगत रुपमा सुधार गरिने मन्त्री जम्मरकट्टेलले बताए । “अपराधको वर्गिकरण गर्नुपर्छ,उनले भने’, कुन बन्दीलाई जेलमा राख्ने, कुनलाई तारिख र धरौटीमा छुटाउने,सबै जेलमा राख्न मिल्ने हुन कि होइनन्,त्यो स्पष्ट रुपमा कानुन बनाएर छुट्टाउनु पर्छ ।” कैदिबन्दीका नाममा राज्यले हजारौंलाई भरणपोषण गरिरहेको भन्दै उनले यसलाई ब्यवस्थापन गरे ब्ययभार कम हुने बताए । जेलमा मान्छे थुपारेर मात्रै समस्या समाधान नहुने मन्त्री जम्मरकट्टेलको तर्क छ । संघिय सरकारले कारागारलाई प्रदेश सरकारलाई हस्तान्तरण गर्ने चरणमा रहेको भन्दै उनले दिर्घकालिन समस्या समाधानको उपाय खोजिने प्रतिबद्धता जनाए ।

About Editor Hamrofm

Check Also

क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकार थप छलफलमा

चितवन २९ कार्तिक– क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकारले यसबारे थप …

Leave a Reply

Your email address will not be published. Required fields are marked *