Home / News / Local / भरतपुर महानगरपालिका भित्र ६६.९ प्रतिशत मानिसको पहुँचमा शुद्ध खानेपानी

भरतपुर महानगरपालिका भित्र ६६.९ प्रतिशत मानिसको पहुँचमा शुद्ध खानेपानी

चितवन ५ असोज– भरतपुर महानगरपालिका भित्र ६६.९ प्रतिशत मानिसको पहुँचमा शुद्ध खानेपानी पुगेको छ । अझै ३३.१ प्रतिशत महानगरवासीले इनार र कलधाराको पानी खान बाध्य छन् । भरतपुर खानेपानी ब्यवस्थापन बोर्डबाट ४३.१ प्रतिशत र खानेपानी तथा सरसफाई डिभिजन अन्तर्गत विभिन्न उपमभोक्ता समिति मार्फत २३.८ प्रतिशत मानिसलाई खानेपानी उपलब्ध गराइएको भरतपुर खानेपानी ब्यवस्थापन बोर्डका प्रमुख प्रजापती दाहालले जानकारी दिए । वोर्डको पाइपलाइन पुगेर पनि १० प्रतिशतले जडान नगरेको उनले बताए । भरतपुर महानगरका १४ स्थानमा ३० वटा बोरिङबाट दैनिक १ करोड ५३ लाख लिटर पानी वोर्डले वितरण गर्दै आएको छ । दैनिक २ करोड ५ लाख लिटर पानी निकाल्ने गरिन्छ । वोर्डका अहिले २५ हजार ग्राहक छन् । महानगरका वडा नं. १ देखि १५ र वडा नः २२ मा खानेपानी वितरण गरिएको छ । बाँकी वडाहरुमा उपभोक्ता समितिहरु मार्फत खानेपानी वितरण गरिएको बोर्डका प्रमुख दाहालले बताए । पश्चिम चितवनको मेघौंली, शुक्रनगर, जगतपुरमा छुट्टाछुट्टै खानेपानीको बोरिङ्ग राखेर समिति मार्फत वितरण भैरहेको छ । भरतपुर खानेपानी व्यवस्थापन बोर्डले १ लाख ५१ हजार २ सय ५३ जनसंख्यालाई पानी र्पुयाएको सुचना अधिकारी संजय बरालले जानकारी दिए । महानगरमा अझै २७ प्रतिशत क्षेत्रमा खानेपानीको माग रहेको उनले बताए । बोर्डले १० यूनिटसम्मको एक सय रुपैयाँ त्यसमाथि यूनिटको १८ रुपैयाँ थप लिने गरेको छ । एक यूनिटमा एकहजार लिटर पानी हुन्छ । २०७० साल फागुन महिना यता वोर्डले खानेपानीको शुल्क बढाएको छैन् । एसियाली विकास बैंकको २६ करोड २६ लाख ८८ हजार र भरतपुर महानगरपालिकाको २ करोड ११ लाख ऋण सहयोगमा खानेपानीको बिस्तार गरिएको थियो । त्यो सवै ऋण सहयोग वोर्डले तिरिसकेको छ । खानेपानी बोर्डले हरेक बर्ष सेवा क्षेत्र विस्तार गर्दै आइरहेको छ । गत वर्ष ६८ किलोमिटर खानेपानीको लाइन बिस्तार गरिएको थियो । यसबर्ष पानीको समस्या धेरै भएको क्षेत्रमा खानेपानीको लाइन विस्तार गर्ने कार्यालयको योजना छ । निवेदन संकलन गरेर त्यस क्षेत्रमा प्राविधिक पठाइएको बरालले बताए । पुराना ग्राहकबाट झण्डै २० लाख बक्यौंता उठन बाँकी रहेको बोर्डले जनाएको छ । विषेश गरी वडा नः १,२,३, ४ र १० का पूराना ग्राहकबाट बढि बक्यौंता रकम उठाउन बाँकी छ । बोर्डले वार्षिक ८ करोड २३ लाख रकम पानीको महसुल शूल्क उठाउँदै आएको छ ।

About Editor Hamrofm

Check Also

क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकार थप छलफलमा

चितवन २९ कार्तिक– क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकारले यसबारे थप …

Leave a Reply

Your email address will not be published. Required fields are marked *