Home / sports / फिफा वरीयतामा नेपालको अवस्था सुधार

फिफा वरीयतामा नेपालको अवस्था सुधार

चितवन ५ असोज– फिफा वरीयतामा नेपालको अवस्था एक स्थान सुधार भएको छ । विश्व फुटबलको सर्वोच्च निकाय (फिफा)ले आज सार्जजनिक गरेको पछिल्लो वरीयतामा नेपाल १६०औँ स्थानमा रहेको छ । गत महीना नेपाल १६१औँ स्थानमा थियो । बङ्गलादेशमा हालै सम्पन्न साफ च्याम्पियनसिपको प्रदर्शनका आधारमा नेपालको वरीयतामा सुधार आएको हो । फिफाले निकालेको नयाँ वरीयतामा नेपाल दक्षिण एशियाली राष्ट्रमा तेस्रो स्थानमा रहेको छ । नेपालभन्दा अघि भारत र माल्दिभ्स रहेको छ । भारत र माल्दिभ्स क्रमशः ९७औँ र १५१औँ स्थानमा रहेका छन् । भूटान, बङ्गलादेश, श्रीलङ्का र पाकिस्तान क्रमशः १८८ १९३, १९९ र १९९औँ स्थानमा छन् । नयाँ वरीयताको शीर्ष स्थानमा बेल्जियम र फ्रान्स संयुक्तरुपमा पहिलो स्थानमा छन् । दुवै टोलीको १७२९ नम्बर रहेको छ । तेस्रोमा ब्राजिल, चौथोमा क्रोएशिया र पाँचौं स्थानमा उरुग्वे रहेको छ । यस्तै इङ्ग्ल्याण्ड छैटौंँ, पोर्चुगल सातौँ, स्विट्जरल्याण्ड आठौँ, स्पेन नवौँ र डेनमार्क दशौँ स्थानमा रहेका छन् । विभिन्न अन्तर्रा्ष्ट्रिय तथा घरेलु प्रतियोगिताका आधारमा फिफाले प्रत्येक महीना वरीयता सार्वजनिक गर्दै आएको छ ।

About Editor Hamrofm

Check Also

चितवनमा आज देखि राष्ट्रपति रनिङ शिल्ड प्रतियोगिता सुरु

चितवन चैत २३- चितवनमा आज (शुक्रबार) देखि १० औं राष्ट्रपति रनिङ शिल्ड प्रतियोगिता सुरु भएको छ। …

Leave a Reply

Your email address will not be published. Required fields are marked *