Home / News / Local / चितवन प्रहरीको उच्च निगरानीमा विप्लव समूह

चितवन प्रहरीको उच्च निगरानीमा विप्लव समूह

चितवन चैत २८- जिल्ला प्रहरी कार्यालय चितवनले विप्लव समूहलाई उच्च निगरानीमा राखेको छ । विप्लव समूहका नाममा जिल्लामा विभिन्न अपराधिक कृयाकलापहरु बढ्न थालेपछि उच्च निगरानिमा राखिएको हो । मंगलबार मात्रै चितवनमा दुइवटा घटना घटे । भरतपुर महानगर वडा नम्वर १० का वडाध्यक्ष अरुणपिडित भण्डारीको शरिरमा मोविल खन्याएर ढुंगाले हानियो भने मंगलवार नै कालिका कन्सट्रक्सनको केन्द्रिय कार्यालय भरतपुर–२ क्षेत्रपुरमा वम फिस्फोट गराइयो । यि दुबै घटनामा विप्लव समूहको हात रहेको प्रहरीको दाबी छ । घटना लगत्तै चितवन प्रहरीले विप्लव समूहको जनपरिचालन समिति सदस्य दिवस भुसाल सहित अन्य ४ जनालाई नियन्त्रणमा लिएको छ । पक्राउ परेका मध्य एक जना बम फिस्फोट र ४ जना वडाध्यक्ष भण्डारीमाथि आक्रमणमा संलग्न रहेको आरोपमा नियन्त्रणमा लिएको जिल्ला प्रहरी कार्यालय चितवनका प्रहरी प्रमुख दिपक थापाले बताए । उनले अपराधिक कृयाकलापमा संलग्न कसैलाई पनि नछाड्ने चेतावनी दिए । “विभिन्न समूहका नाममा अपराधिक कृयाकलाप र गुण्डागर्दी गर्ने प्रयास गरिएको छ,थापाले भने,अपराधिक मानसिकता राख्ने कसैलाई पनि छाडिदैन् ।” जिल्लामा नेपाल प्रहरी ,शशस्त्र प्रहरी र राष्ट्रिय अनुसन्धानको टोलिलाई बिशेष सकृय बनाएर काम गरिरहेको उनले जानकारी दिए । जिल्लामा अपराध अनुसन्धान व्यूरो र प्रहरी बिशेष व्यूरोले पनि अपराधिक गतिविधी अन्त्य गर्न सुस्म रुपमा काम गरिरहेको थापाले वताए ।

(आज ) बुधवार बसेको जिल्ला सुरक्षा समितिको बैठकमा पनि जिल्लाको सुरक्षा व्यवस्थाका बारेमा गम्भिर छलफल भएको प्रमुख जिल्ला अधिकारी नारायण प्रसाद भट्टले बताए । उनले अराजक गतिबिधी गर्ने र असान्त फैलाउनेको पहिचान गरि कारवाहीको दायरामा ल्याउने वताए । जिल्लाको शान्ति सुरक्षालाई मजवुत बनाउन सबै तहलाई निर्देशन दिइएको भट्टले जानकारी दिए ।

About Editor Hamrofm

Check Also

क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकार थप छलफलमा

चितवन २९ कार्तिक– क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकारले यसबारे थप …

Leave a Reply

Your email address will not be published. Required fields are marked *