Home / News / Local / गृह जिल्लाबाट प्रचण्डले भनेः बराबरी सिद्धान्तका आधारमा मात्रै पार्टी एकता

गृह जिल्लाबाट प्रचण्डले भनेः बराबरी सिद्धान्तका आधारमा मात्रै पार्टी एकता

चितवन,चैत १९- माओवादी केन्द्रका अध्यक्ष पुष्पकमल दाहाल प्रचण्डले बराबरी सिद्धान्तको आधारमा पार्टी एकता गर्नु पर्ने दोहो¥याउनुभएको छ । गृह जिल्ला चितवनमा पत्रकारसंग संक्षिप्त कुराकानी गर्दै उहाँले पार्टी एकता प्रतिशतका आधारमा नहुने बताउनु भयो । उहाँले पार्टी एकता चुनाब जस्तो नभएको भन्दै सिद्धान्त प्रतिशतका आधारमा नहुने बताउनुभयो । बराबरी सिद्धान्तको आधारमा मात्रै पार्टी एकता गर्नुपर्ने प्रचण्डको तर्क छ । प्रचण्डले आफ्नो भनाइले पार्टी एकतामा अफ्ठ्यारो पर्ने स्थिति नभएको भन्दै एक पटक छलफल गरेपछि सबै कुरा टुङ्गिने दावी गर्नुभयो । प्रधानमन्त्रीको भारत भ्रमण अघि पार्टी एकता सम्भब नरहेको अध्यक्ष दाहालले वताउनुभयो । उहाँले कार्यदलले दिएको रिपोर्ट अनुसार नै बैशाख ९ गते पार्टी एकता हुने बताउनु भयो । दाहालले भोलि (मंगलवार) पार्टी एकता संयोजन समितिको बैठक बसेर कार्यदलको प्रतिबेदन औपचारीक ढङ्गले प्रस्तुत हुने बताउनु भयो । संयोजन समितिमा भोलिबाट नै त्यो प्रतिबेदनलाई अन्तिम रुप दिनका लागि छलफल सुरु हुने उहाँले बताउनु भयो । अर्को प्रसंगमा प्रण्चण्डले प्रधानमन्त्री केपी शर्मा ओलीको भारत भ्रमणका बिषयमा केहि छलफल भएको र संयोजन समितिमा थप छलफल हुने वताउनुभयो । नेकपाले वारेन्ट पूर्जि जारी गरेको सम्वन्धमा प्रचण्डले वाईयात फेन्टास्टिक र सिल्ली कुराको जवाफ दिन नचाहेको भन्दै प्रश्न नगर्न पत्रकारलाई आग्रह गर्नुभयो ।

About Editor Hamrofm

Check Also

क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकार थप छलफलमा

चितवन २९ कार्तिक– क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकारले यसबारे थप …

Leave a Reply

Your email address will not be published. Required fields are marked *