Home / News / Local / चितवनमा एक्सपर्ट कलेज प्रिमियर लिग क्रिकेट सुरु, प्रेसीडेन्सी र बालकुमारीको विजयी सुरुवात

चितवनमा एक्सपर्ट कलेज प्रिमियर लिग क्रिकेट सुरु, प्रेसीडेन्सी र बालकुमारीको विजयी सुरुवात

चितवन, चैत १३– चितवनमा आज (मंगलबार)देखी एक्सपर्ट कलेज प्रिमियर लिग टि–ट्वान्टी क्रिकेट २०१८ सुरु भएको छ । नेपालय इन्टरनेशनलको आयोजना नारायणगढस्थित क्याम्पाचौरमा प्रतियोगिता सुरु भएको हो । आज पहिलो दिन दुई खेल भएका छन् । पहिलो खेलमा बालकुमारी कलेज नारायणगढ १७ रनले विजयी भएको छ । टस हारेर पहिले व्याटिङ गरेको बालकुमारीले निर्धारित २० ओभरमा ९ विकेट गुमाउँदै १३९ रन जोडेको थियो । उसका लागि निसब तिमिल्सिनाले ४७ र कप्तान दानिस इकबालले १८ रन बनाए । १४० रनको लक्ष्य पछ्याएको अक्सफोर्ड कलेज गैंडाकोट निर्धारित ओभरमा ९ विकेट गुमाउँदै १२२ रन मात्रै जोड्न सक्यो । अक्सफोर्डका लागि अविशेक बस्नेतले ३१ र राम कार्कीले २७ रन बनाउनु बाहेक अन्य व्याट्सम्यानले उल्लेखीय प्रदर्शन गर्न सकेनन् । खेलमा अर्धशतक नजिक पुगेका बालकुमारीका निसब तिमिल्सिना म्यान अफ दि म्याच घोषित भए । उनलाई एक्सपर्ट एजुकेशन एण्ड भिसा सर्भिसेस नारायणगढका प्रवन्ध निर्देशक डिल्लीराम अधिकारीले ट्रफी प्रदान गर्नुभयो । यस्तै आजको दोस्रो खेलमा प्रेसिडेन्सी कलेज भरतपुर ७ विकेटले विजयी भएको छ । नमुना साइन्स कलेज गैंडाकोटले दिएको १४७ रनको लक्ष्य प्रेसिडेन्सीले १० बल बाँकी छदै लक्ष्य भेट्टायो । उसका लागि पवन तिमिल्सिनाले ९२ रनको नटआउट पारी खेले । उनी म्यान अफ दि म्याच समेत घोषित भए । यसअघि टर हारेर पहिले व्याटिङ गरेको नमुना साइन्स कलेजले निर्धारित १५ ओभरमा ४ विकेट गुमाउँदै १४६ रन बनाएको थियो । उसका लागि रन्जन लामिछानेले अर्धशतकीय पारी खेल्दै ५६ रन बनाए भने विज्ञान गौतमले २७ रन बनाए । प्रतियोगितामा कुल ८ टिमको सहभागिता रहेको एक्सपर्ट कलेज प्रिमियर लिग क्रिकेटका म्यानेजिङ डाईरेक्टर सुवास प्रधानले जानकारी दिनुभयो । प्रतियोगिताका विजेताले क्षेत्रीय प्रतियोगिता खेल्न पाउनुको साथै प्रत्येक खेलाडीले ड्युज व्याट, ट्रफी र मेडल प्राप्त गर्ने र उपविजेताले चार वटा ड्युज व्याट, ट्रफी र मेडल प्राप्त गर्ने प्रधानले बताउनुभयो ।

About Editor Hamrofm

Check Also

क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकार थप छलफलमा

चितवन २९ कार्तिक– क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकारले यसबारे थप …

Leave a Reply

Your email address will not be published. Required fields are marked *