Home / Business / तनहुँको बन्दिपुर ५ ढाबमा ८ करोडको लागतमा स्वीमिङ पुल सहितको रिसोर्ट संचालनमा

तनहुँको बन्दिपुर ५ ढाबमा ८ करोडको लागतमा स्वीमिङ पुल सहितको रिसोर्ट संचालनमा

तनहुँ, चैत १२– तनहुँको बन्दिपुर ५ ढाबमा ८ करोडको लागतमा स्वीमिङ पुल सहितको मस्र्याङदी रिभर भ्यू रिसोर्ट संचालनमा आएको छ । अत्याधुनिक सुबिधा सम्पन्न सो रिसोर्ट २५ रोपनी क्षेत्रफलमा फैलिएको छ ।
पृथ्वीराजमार्गको याम्पाफाँट र नयाँपुलको बीचमा राजमार्ग सँगै रहेको रिसोर्टमा ठूला ब्यक्ति तथा साना बाल बालबालिकाका लागि छुट्टा–छुट्टै स्वीमिङ पुल , रेस्टुरेन्ट एण्ड बार , २ सय जनाको क्षमता भएको सेमिनार हल, ए सी सहितको एटेच सिंगल तथा डबल वेड रुम , टेन्ट रुम , चिल्ड्रेन पार्क, फन पार्क रहेको छ । रिसोर्टमा पूर्ण पारिवारिक वातावरणमा रम्न सक्ने रिसोर्ट संचालक सीता भट्टराईले बताउनु भयो । रिसोर्टमा स्थानीय २२ जना र अन्य २ जनाले रोजगारी पाएका छन ।
केहि दिन अगाडिबाट संचालनमा आएको उक्त रिसोर्टको प्रदेश नं. ४ का आन्तरिक मामिला तथा कानुन मन्त्री हरिबहादुर चुमान र बन्दिपुर गाउँ पालिकाका अध्यक्ष पूर्णसिंह थापाले आईतबार अवलोकन भ्रमण गर्नु भएको थियो । सो अवशरमा मन्त्री चुमानले स्वदेशमै लगानी गरी आन्तरिक तथा वाह्य पर्यटक भित्र्याउनका लागि गर्नु भएको योगदानको प्रशंसा गर्नुभयो । सीताको श्रीमान् महेन्द्र मोहन भट्टराईले तनहुँकै आँबु १ बरादीमा अकला पेट्रोल पम्प संचालन गर्नु भएको छ ।

About Editor Hamrofm

Check Also

क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकार थप छलफलमा

चितवन २९ कार्तिक– क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकारले यसबारे थप …

Leave a Reply

Your email address will not be published. Required fields are marked *