Hamrofm Number 1 radio station in the town
Related Articles
चितवन, चैत ३– प्रदेश ३ का कृषि, भुमी व्यवस्था, सहकारी, गरिबी निवारण मन्त्री दावा दोर्जे लामाले सुकुम्बासी समस्या समाधान गर्न निकै चुनौती पूर्ण रहेको बताउनुभएको छ । नारायणी जग्गा तथा आवास व्यवसायी संघ चितवनले आयोजना गरेको बधाई तथा सम्मान कार्यक्रममा बोल्दै मन्त्री लामाले भुमी सम्बन्धी अन्य समस्या भन्दा सुकुम्बासी समस्या चुनौतीपूर्ण रहेको बताउनुभयो । उहाँले उपयुक्त नियम, कानुन बनाएर सुकुम्बासी तथा भुमी समस्या समाधान गरिने बताउनुभयो । मन्त्री लामाले जग्गा व्यवसायीहरुको पनि आफ्नै समस्या रहेको भन्दै नयाँ नियम कानुन निर्माण नगरेसम्मा सबै समस्या समाधान गर्न नसकिने बताउनुभयो । कार्यक्रममा मन्त्री लामालाई संघका अध्यक्ष बाबुुराम अधिकारीले दोसल्ला ओढाएर सम्मान गर्नुभएको थियो । मन्त्री लामा चितवन क्षेत्र नं.१ (क)बाट निर्वाचित हुनु भएको थियो ।
