Home / health / क्यान्सर अस्पतालमा अत्याधुनिक सेकाइ उपकरण, बिरामी नीजि अस्पताल धाउन नपर्ने

क्यान्सर अस्पतालमा अत्याधुनिक सेकाइ उपकरण, बिरामी नीजि अस्पताल धाउन नपर्ने

चितवन,फागुन २२- भरतपुरमा रहेको बिपी कोइराला मेमोरियल क्यान्सर अस्पतालमा अत्याधुनिक प्रविधिको सेकाइ उपकरण भित्रिएको छ । अमेरिकामा बनेको लिनियाक नामक उपकरण रु १८ करोडमा खरिद गरिएको हो । अस्पतालका कार्यकारी निर्देशक डा विजयचन्द्र आचार्यका अनुसार अहिले सञ्चालनमा रहेका दुईवटा सेकाइका उपकरणभन्दा आधुनिक प्रविधिको उपकरण भित्र्याइएको हो ।

यो उपकरणले बिरामीको क्यान्सर देखिएको कोशिकामा मात्र विकिरणमार्फत रोगको निदान गर्नेछ । हाल सञ्चालनमा रहेका कोवाल्ट उपकरणले क्यान्सर भएको कोशिकाका आसपासका कोशिकालाई पनि असर पार्ने भए पनि लिनियाकबाट भने त्यस्तो जोखिम नहुने उनले बताए। हाल अस्पतालमा लिनियाक ६०० सिडी र कोबाल्ट ६० बाट सेकाइ गरिँदै आएको छ । ती दुई उपकरणले दैनिक बिहान बेलुका समेत गरेर १३० जनासम्मलाई उपचार गराउँदै आएको आचार्यले बताए।
आउँदो एक महिनाभित्रमा नयाँ उपकरण जडान गरी सेवा थालिने उनले बताए । यसअघिनै बनिसकेको वंकर (विकिरण बाहिर नजानका लागि निर्मित कोठा) तयार भएकाले उपकरण जडानसँगै सञ्चालनमा आउने छ । यससँगै बिरामी बाहिरका अस्पतालमा धाउन नपर्ने उनले बताए । क्यान्सर अस्पतालले रु २५ हजारदेखि रु ७५ हजारमा बिरामीको सेकाइको चक्र पूरा गर्ने गर्दछ । निजी अस्पतालमा यसका लागि रु तीन लाखसम्म पर्ने उनले बताए । पुराना उपकरण बिग्रँदै गएपछि केही महिना अघिसम्म क्यान्सर अस्पतालमा एउटामात्र सेकाइ उपकरणबाट उपचार गराइँदै आएको थियो । बिग्रिएकोमध्ये एउटा मर्मतपछि सञ्चालनमा आएसँगै दुईवटा उपकरण सञ्चालनमा रहेका छन् । तीन उपकरण नियमित सञ्चालनमा आएपछि क्यान्सर अस्पताल आएका बिरामीलाई पालो मिलाएर सेकाइ गर्न सकिने आचार्यले बताए । अस्पतालका रेडिएशन अंकोलोजिस्ट डा शिवजी पौडेलले १० लाख जनसंख्यालाई एउटा यस्तो उपकरण चाहिने भन्दै उनले क्यान्सर अस्पताल र अन्य दुई निजी अस्पतालमा मात्र यो उपकरण रहेको बताए । निजी अस्पतालमा काठमाडौँको काठमाडौं क्यान्सर सेन्टर र नेपाल क्यान्सर अस्पतालमा मात्र यो प्रविधिको उपकरण रहेको पौडेलले बताए। नयाँ उपकरण थपिएसँगै क्यान्सर अस्पताल आउने बिरामीलाई उच्च प्रविधिको सेवा दिन सकिने पौडेलले बताए ।

About Editor Hamrofm

Check Also

घरको छतबाट खसेर महिलाको मृत्यु

नुवाकोट १४ भदौं – घरको छतबाट खसेर एक महिलाको मृत्यु भएको छ । घरको छतबाट …

Leave a Reply

Your email address will not be published. Required fields are marked *