Home / News / Local / चितवनको आँपपानीबाट करिव ९० केजि गाँजा बरामद

चितवनको आँपपानीबाट करिव ९० केजि गाँजा बरामद

चितवन ,फागुन २०-चितवनको राप्ती नगरपालिका ११ आँपपानीबाट करिव ९० केजि गाँजा बरामद भएको छ । सामुदायिक वनहरुमा काठ चोरी हुने गरेको सुचनाको आधारमा निगरानीको लागि गएको जिल्ला वन कार्यालय चितवनका प्रमुख केदारनाथ पौडेल ,सशस्त्र वन रक्षक र शिखर हरियाली सामुदायिक वनका अध्यक्ष केदार आचार्य सहितको टोलिले गएराती गाँजा फेला पारेका हुन् । डिजिटारबाट भण्डारातर्फ आउदै गरेको ना १ ह ९१०० नम्बरको अटोलाई चेक गर्ने क्रममा उक्त परिमाणको गाँजा फेला परेको थियो । टोलिलाई देख्नासाथ अटोमा रहेका दुई जना भागेको र अन्य दुईजनालाई नियन्त्रणमा लिएर ईलाका प्रहरी कार्यालय भण्डाराको टोलिलाई बुझाएको जिल्ला वन कार्यालयका प्रमुख केदारनाथ पौडेलले जानकारी दिए । अन्दाजी ३०—३० केजिको ३ वटा पोकामा गाजा फेला परेको प्रहरीले जनाएको छ । गाँजासंगै राप्ती नगरपालिका ४ बस्ने बर्ष २५ को राजन तामाङ र सोही स्थान बस्ने बर्ष ३७ को कुमार तामाङलाई प्रहरीले पक्राउ गरेको छ । पक्राउ परेका दुईजनालाई लागू औषध ऐन अन्तर्गत मुद्दा दर्ता गरि कारबाही अगाडी बढाइने जिल्ला प्रहरी कार्यालय चितवनका प्रवक्ता प्रहरी नायव उपरीक्षक प्रभु ढकालले बताए । चितवन र मकवानपुरको पहाडी भेगमा व्यवसायिक रुपमा नै गाजा खेती हुँदै आएको छ । त्यस्तै मकवानपुर र धादिङबाट भण्डारा हुँदै गाजाको ओसारपसार हुनेगरेको स्थानीयले बताए । केहिदिन अगाडी मात्रै सशस्त्र प्रहरी गण भण्डाराले दुई क्युन्टल गाजा बरामद गरेको थियो । पछिल्लो समय सशस्त्र प्रहरी र जिल्ला वनको टोलिले गाँजा पक्राउ गरिरहदा ईलाका प्रहरी कार्यालय भण्डाराले भने गाँजा र गाँजा ओसारपसार गर्ने व्यक्तिलाई पक्राउ गर्न सकेको छैन । ईलाका प्रहरी कार्यालय भण्डारामा कार्यालय प्रमुखको रुपमा १४ महिना अगाडी प्रहरी निरीक्षक रामेश्वर त्वाती आएदेखी ठुलो परिमाणमा प्रहरीले गाँजा बरामद गर्न सकेको छैन । जिल्ला प्रहरी कार्यालय चितवनले भने उक्त क्षेत्रमा निगरानी बढाइने जनाएको छ ।

About Editor Hamrofm

Check Also

घरको छतबाट खसेर महिलाको मृत्यु

नुवाकोट १४ भदौं – घरको छतबाट खसेर एक महिलाको मृत्यु भएको छ । घरको छतबाट …

Leave a Reply

Your email address will not be published. Required fields are marked *