Home / News / Local / सन्दिप लामिछाने र प्रशिक्षक राजु खड्कालाई चितवन क्रिकेट संघको सम्मान

सन्दिप लामिछाने र प्रशिक्षक राजु खड्कालाई चितवन क्रिकेट संघको सम्मान

चितवन,फागुन ९- इन्डियन प्रिमियर लिगमा अनुबन्ध भएका नेपाली युवा क्रिकेटर सन्दिप लामिछानेलाई भरतपुरमा सम्मान गरिएको छ । चितवन क्रिकेट संघले सन्दिप लामिछानेसंगै उनका प्रशिक्षक राजु खड्कालाई पनि सम्मान गरेको हो । लामिछानेलाई नगद २० हजार र खड्कालाई नगद १० हजार सहित प्रमाणपत्रले सम्मान गरिएको छ । सो अवसरमा वोल्दै क्रिकेटर सन्दिप लामिछानेले आफू यो स्थानसम्म पुग्न धेरै अग्रजको योगदान रहेको वताए । उनले त्यसमा पनि प्रशिक्षक राजु खड्काको भूमिका झन् प्रमुख रहेको बताए । उनले आफ्ना प्रशिक्षक संगै सम्मानित हुन पाएकोमा निकै खुसी लागेको वताए । चितवनमा क्रिकेट खेलका लागि खेलमैदानको अभाव रहको भन्दै उनले अन्तराष्ट्रिय स्तरमा खेल्ने खेलाडी उत्पादन गर्न त्यही खालको खेलमैदान बनाउन माग गरे । यस्तै प्रशिक्षक राजु खड्काले सन्दिप मेहनती,लगनशिल र अनुशासित भएका कारण यो स्थानसम्म पुग्न सफल भएको वताए । चितवनले सन्दिप जस्ता थुप्रै खेलाडी जन्माउन सक्ने भन्दै उनले त्यसका लागी स्रोतसाधनको अभाव रहेको बताए । आगामी आईपीएलमा दिल्ली डेयर डेविल्सले सन्दिपलाई भारतीय २० लाखमा टिममा अनुबन्ध गरेको हो । सन्दिप आईपीएल खेल्ने पहिलो नेपाली खेलाडीसमेत हुन् । आईपीएलमा अनुबन्धसँगै सन्दिप चर्चामा छन् । पछिल्लो साता नामिवियामा भएको डिभिजन टुको खेलबाट नेपाललाई डिभिजन वानमा बढुवा गराउन महत्वपूर्ण भूमिका निर्वाह गरेका सन्दिपले सो प्रतियोगितामा १७ विकेट लिएका थिए ।
डिभिजन वानमा बढुवा भएसँगै नेपालले विश्वकप एक दिवसीय क्रिकेटको छनौट खेल खेल्न पाउने छ । कार्यक्रम चितवन क्रिकेट संघका प्रवक्त्ता अनिल अधिकारीको संयोजकत्वमा सम्पन्न भएको हो ।

About Editor Hamrofm

Check Also

क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकार थप छलफलमा

चितवन २९ कार्तिक– क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकारले यसबारे थप …

Leave a Reply

Your email address will not be published. Required fields are marked *