Home / News / National / नेकपा माओवादी केन्द्रका अध्यक्ष पुष्पकमल दाहालका छोरा प्रकाशको निधन

नेकपा माओवादी केन्द्रका अध्यक्ष पुष्पकमल दाहालका छोरा प्रकाशको निधन

काठमाण्डौ ३ मंसिर – नेकपा माओवादी केन्द्रका अध्यक्ष पुष्पकमल दाहालका छोरा प्रकाशको आकस्मिक निधन भएको छ । काठमाडौंको लाजिम्पाटस्थित निवासमा हृदयाघातपछि अचेत अवस्थामा नर्भिक अस्पतालमा भर्ना गरिएका प्रकाशको निधन भएको हो । उनलाई आज बिहान ४ बजे नर्भिक अस्पतालमा भर्ना गरिएको थियो । झापाको बिर्तामोडमा रहेका माओवादी केन्द्रका अध्यक्ष दाहाल हेलिकोप्टरबाट काठमाडौं फर्किएका छन् । परिवारका अन्य सदस्यहरु पनि अहिले अस्पतालमा पुग्ने क्रम जारी रहेको छ । अस्पतालमा परिवारका सदस्य र शुभचिन्तकहरुको भीड लागेको छ । प्रकाश पूर्वप्रधानमन्त्रीसमेत रहेका दाहालका एक मात्र छोरा हुन् । उनी दाहालको सचिवालयमा काम गर्दै आएका थिए । माओवादीले चलाएको सशस्त्र युद्धमा समेत सामेल प्रकाशका दुई श्रीमती र दुई छोराछोरी छन् । उनको निधनको खबर फैलिएसँगै अस्पतालमा माओवादी कार्यकर्ता तथा पत्रकारको बाक्लो उपस्थिति रहेको छ । शनिबार बेलुकी सामान्य बिरामी भएपछि जाउलो खाएर सुतेका दाहाललाई राति हृदयघात भएको थियो । नेकपा माओवादी केन्द्रका अध्यक्ष पुष्पकमल दाहाल प्रचण्ड पुत्र प्रकाश दाहालको आज विहान निधन भएपछि चितवनमा बाम गठबन्धन र लोकतान्त्रिक गठबन्धनले आजको सबै चुनावी कार्यक्रम स्थगित गरेका छन् ।

About Editor Hamrofm

Check Also

निशुल्क मुटु तथा मधुमेह परिक्षण सम्पन्न

चितवन २५ कार्तिक– नेपाल हृदय रोग निवारण प्रतिष्ठान चितवन शाखा , रोटरी क्लब अफ नारायणगढ …

Leave a Reply

Your email address will not be published. Required fields are marked *