Home / News / Local / निशुल्क मुटु तथा मधुमेह परिक्षण सम्पन्न

निशुल्क मुटु तथा मधुमेह परिक्षण सम्पन्न

चितवन २५ कार्तिक– नेपाल हृदय रोग निवारण प्रतिष्ठान चितवन शाखा , रोटरी क्लब अफ नारायणगढ र रोट(याक्ट क्लब अफ नारायणगढको संयुक्त आयोजनामा  नारायणगढ स्थित  बालकुमारी उच्च माध्यमिक विद्यालयको  परिसरमा निशुल्क   मुटु तथा मधुमेह  परिक्षण सम्पन्न भएको छ । परिक्षणमा विद्यालयका करिब पाँच सय जना छात्रछात्राहरू एवम् अन्य  दुईसय पचास  सर्वसाधारणहरुले  मुटु तथा मधुमेह परीक्षण गराएका हुन् । पुरानो मेडिकल कलेज भरतपुरका वरिष्ठ मुटु रोग विशेषज्ञ डाक्टरहरू कौशलतिवारी र शंकर लौडारीको नेतृत्वमा युरोपियन  मुटुरोग विशेषज्ञहरूद्वारा स्वास्थ्य परीक्षण गरिएको थियो । कार्यक्रमको शुरुवातमा बोल्दै नेपाल हृदय रोग निवारण प्रतिष्ठान चितवन शाखाका अध्यक्ष ई भोजराज कौडेलले चितवनका विभिन्न संघ–संस्थाहरूसँग मिलेर संयुक्त रुपमा  विभिन्न स्थानहरूमा मुटु तथा मधुमेह रोगको  परीक्षणहरू गरिँदै आएको जानकारी गराउनुभयो । सो  स्वास्थ परीक्षण शिविरमा विद्यार्थी तथा अन्य सर्बसाधारणको  उच्च रक्तचाप तथा मधुमेह परीक्षण, मुटुको एक्सरे तथा कार्डियोग्राफी गरिएको रोटरी क्लब अफ नारायणगढका अध्यक्ष नारायण प्रधानले बताउनुभयो । क्लबका निबर्तमान अध्यक्ष संजय श्रेष्ठले मुटु मानव शरीरको महत्वपूर्ण अंग भएकोले बिद्यार्थी माझ  यस सम्बन्धि जनचेतना जगाउन बिद्यालय परिसरमा कार्यक्रम राखिएको बताउनु भयो । कार्यक्रममा रोटरी क्लबअफ नारायणगढका पूर्व अध्यक्ष, सदस्यहरू, रोट(याक्ट क्लब अफ नारायणगढ का पूर्व अध्यक्ष एवम् सदस्यहरू, बालकुमारी उच्च मा.वि., नारायणगढका शिक्षक शिक्षिकाहरुले  सहयोग गर्नु भएको थियो  ।

About Editor Hamrofm

Check Also

क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकार थप छलफलमा

चितवन २९ कार्तिक– क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकारले यसबारे थप …

Leave a Reply

Your email address will not be published. Required fields are marked *