Home / News / National / सत्तारुढदलका शीर्ष नेता र मधेशी मोर्चाबीच आजपनि छलफल हुने

सत्तारुढदलका शीर्ष नेता र मधेशी मोर्चाबीच आजपनि छलफल हुने

भरतपुर,फागुन १८–सत्तारुढदलका शीर्ष नेता र मधेशी मोर्चाबीच आजपनि छलफल हुने भएको छ । प्रधानमन्त्री पुष्पकमल दाहाल, सत्तारुढ दल नेपाली काँग्रेस सभापति शेरवहादुर देउवा र मधेशी मोर्चाबीच प्रधानमन्त्री निवास बालुवाटारमा पुनः छलफल हुने भएको हो ।आजको छलफलमा स्थानीय निकायको निर्वाचन तथा राज्यको पुनःसंरचनाका विषयमा छलफल हुने छ । मोर्चाले संविधान संशोधनको काम अगाडी नबढे सरकारलाई दिएको सर्मथन फिर्ता लिने र चुनावमा सहभागि नहुने जनाएपछि त्यस विषयमा पनि मोर्चाका नेताहरुसंग छलफल गरिने प्रधानमन्त्रीको निजी सचिवालयले जनाएको छ । बैठकमा स्थानीय निकायको निर्वाचन र पुनःसंरचनामा मोर्चालाई सहमति ल्याउने बारेमा छलफल केन्द्रीत हुने छ ।संविधान संशोधनको माग गर्दै आन्दोलनमा रहेको मधेशी मोर्चाले संशोधनको कामलाई अगाडी नबढाई निर्वाचनको मिति घोषणा गरेको भन्दै चुनाव हुन नदिने चेतावनी दिएको छ । हिजोको मन्त्रिपरिषद बैठकले पुनःसंरचना आयोगले तयार पारेको प्रतिवेदनमाथि सुझाव दिनबनेको समितीको सुझाव पेश भएकाले सरकारको तर्फबाट प्रधानमन्त्रीले ती सुझावका बारेमापनि मोर्चाका नेताहरुसंग छलफल गर्ने बताइएको छ । सरकारले स्थानीय निकायको निर्वाचनको मिती घोषणा गरि काम अगाडी बढाएकाले चुनावमा लाग्न पनि मोर्चालाई सत्तारुढदलले आग्रह गर्ने नेताहरुले बताएका छन् ।

About Editor Hamrofm

Check Also

क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकार थप छलफलमा

चितवन २९ कार्तिक– क्याबिनेटको निर्णय तत्काल सार्वजनिक नगर्ने नीतिप्रति सर्वत्र आलोचना भएपछि सरकारले यसबारे थप …

Leave a Reply

Your email address will not be published. Required fields are marked *